Pnpkhabar.com
बुधबार, भाद्र ६, २०७५
VITata

वि.सं. २०७५ आश्विन २६ गते शुक्रबारको राशिफल हेर्नुहोस्

admin,
October 11, 2018

वि.सं. २०७५ आश्विन २६ गते शुक्रबार तदनुसार ई. सं. २०१८ अक्टोबर १२ तारिख, विरोधकृत् नामक संवत्सर, शाके :– १९४०, सूर्य दक्षिणायन, शरद् ऋतु, ने.सं. :– ११३८, (कौलाथ्व), काठमाण्डौ, नेपालमा सूर्योदय : बिहान ०६:०२ बजे र सूर्यास्त : साँझ ०५:३७ बजे, इटहरी, सुनसरी, नेपालमा सूर्योदय : बिहान ०५:५३ बजे र सूर्यास्त : साँझ ०५:२९ बजे, पोखरा, कास्की, नेपालमा सूर्योदय : बिहान ०६:०८ बजे र सूर्यास्त : साँझ ०५:४१ बजे, आश्विन शुक्लपक्षको तृतीया तिथि, बिहान ०६:५२ बजेसम्म, त्यसपछि चतुर्थी तिथि, विशाखा नक्षत्र, दिउँसो ०१:०७ बजेसम्म, त्यसपछि अनुराधा नक्षत्र, चन्द्रमा तुला राशिमा, बिहान ०६:५३ बजेसम्म, त्यसपछि बृश्चिक राशिमा, प्रीति योग, दिउँसो ११:३२ बजेसम्म, त्यसपछि आयुष्मान् योग, गर करण, बेलुका ०७:०१ बजेसम्म त्यसपछि वणिज करण, आनन्दादि योग : मात्तङ्ग, चन्द्रवर्ण : रातो, चन्द्रदिशा : उत्तर, योगिनीदिशा : आग्नेय, वारशूल : पश्चिम, आजको चाडपर्व र उत्सव : नवरात्रअन्तर्गत चन्द्रघण्टा भगवतीको पूजा आराधना गर्ने दिन, आजको मूहुर्त : दीक्षाग्रहण,

मेष (चु, चे, चो, ला, लि, लु, ले, लो, अ) – प्रातःकाल थोरै अनुकुल देखिए पनि समग्र दिन प्रतिकुल देखिन्छ । गरेका कामले पूर्णता पाउने छैन । लेनदेनका कुराले पिरोल्नेछ । मानसिक एवं शारीरिक दुर्वलता बढ्ने देखिन्छ । व्यापार व्यवसायमा मन्दि आउनेछ ।

बृष (इ, उ, ए, ओ, बा, बि, बु, बे, बो) –व्यापारबाट सामान्य लाभ हुनेछ । नयाँ कामको सम्भावना देखिन्छ । साझेदारी कामको लागि प्रस्ताव आउन सक्छ । व्यापार व्यवसायबाट आम्दानी बढ्नेछ । पारिवारिक सुख,शान्ति मिल्नेछ । विदेश यात्राको योग देखिन्छ ।

मिथुन (का, कि, कु, घ, ङ, छ, के, को, ह) – कार्य सम्पादनमा कठिनाई आउन सक्छ,धैर्यतापूर्वक काम गर्नु होला । आज गरेका काम सफल हुनेछन् । मुद्धा मामिलामा विजय हात लाग्नेछ । अहार विहारमा ध्यान दिनु होला नत्र स्वास्थ्य कमजोर बन्नेछ ।

कर्कट (हि, हु, हे, हो, डा, डि, डु, डे, डो)– अन्योलता बढ्न सक्छ भ्रमलाई चिरेर अगाडि बढ्नु होला । यात्रामा कष्ट हुने देखिन्छ । अरुको भरोसामा मात्रै काम नगर्नु होला । एउटा एउटा चिन्ताले छोड्ने छैन । व्यापारबाट सोचे जस्तो लाभ हुने छैन ।

सिंह (मा, मि, मु, मे, मो, टा, टि, टु, टे)– पारिवारिक भेटघाट बढ्नेछ । काम गर्ने जोश,जागर घट्न सक्छ । लगनशिल भई काम गर्नु भएको खण्डमा थोरै भए पनि सफलता मिल्नेछ । व्यापार व्यवसायबाट सोचे जस्तो लाभ लिन सकिने छैन ।

कन्या (टो, प, पि, पु, ष, ण, ठ, पे, पो)–समय बलवान देखिन्छ । गरेका अधिकाँश काम सफल हुनेछ । जस्ता सुकै समस्या आए पनि खेल्न सकिनेछ, समाधान हुनेछन् । व्यापार व्यवसायबाट आय आर्जन राम्रै होला । आफन्तजनको सहयोग पाईने छ ।

तुला (र, रि, रु, रे, रो, ता, ति, तु, ते) – प्रयत्न गरेमा काममा सफल मिल्नेछ । समयमा सचेत हुनु आवस्यक छ । आर्थिक कारोवार गर्दा होशियार रहनु होला । घरमा सुख शान्ति कम मिल्नेछ । आम्दानी खर्चको सन्तुलन कायम रहनेछ ।

बृश्चिक (तो, ना, नि, नु, ने, नो, या, यि, यु)– मन वचन र कर्मले लाग्नु होला अवस्य सफल हुनुहुनेछ । उत्तम आसन र भोजन प्राप्तिको योग देखिन्छ । साना तिना समस्यामा नअल्झि काम गर्नु होला । व्यापार व्यवसायबाट आम्दानी बढ्नेछ ।

धनु (ये, यो, भ, भि, भु, ध, फा, ढ, भे)–काम गर्ने बातावरण भत्किनेछ । काम काजमा विभिन्न खालका अवरोध आउने छन् । विश्वास गरेकाले धोका दिने छन् । आर्थिक पक्ष दुर्वल बन्नेछ । गलत विचार बढ्नेछ । व्यापार व्यवसायमा मन्दि आउनेछ ।

मकर (भो, ज, जि, खि, खु, खे, खो, गा, गि)– गोचरबाट दिन अनुकुल नै देखिन्छ । पराक्रम बढ्नेछ । नसोचेका ठाँउबाट धन आउनेछ । व्यापार व्यवसायबाट आय आर्जन राम्रो हुनेछ । जीवन साथीको सहयोगमा आर्थिक उन्नति हुनेछ । मान्य जनको आशिर्वाद मिल्नेछ ।

कुम्भ (गु, गे, गो, सा, सि, सु, से, सो, द) – आत्मविश्वास बढ्नेछ । लगनशिल भई काममा लाग्नु होला । विगतमा देखिएका समस्याहरु समाधान भएर जानेछन् । विरोधी आफै गलित हुनेछन् । सहयोगी मन भेटिने छन् । परिश्रमको फल राम्रो निस्कनेछ ।

मीन (दि, दु, थ, झ, ञ, दे, दो, च, चि) – समयमा सामान्य सुधार आउनेछ । उपलब्धिका काम कम हुनेछन् भने सहयोगी काम बढि हुनेछन् । फलदायी यात्राको सम्भावनालाई नकार्न सकिन्न । परिवारजनको सहयोग थोरै मिल्ने देखिन्छ । गलत विचारको अन्त्य हुनेछ ।

प्रतिक्रिया